Fankalazana ny Fetim-pirenena miaraka amin'ny Faritra Analamanga

PODIUM TENY ITAOSY ANTANIKATSAKA SY SABOTSY NAMEHANA, 24 Jona 2022

Tontosa tamim-pilaminana ary nahavory olona marobe ny Podium nokarakarain'ny Faritra Analamanga ho fankalazana ny faha-62 taona niverenan'ny Fahaleovantena izay natao teny Itaosy Antanikatsaka,distrikan'Antananarivo Atsimondrano sy teny Sabotsy-Namehana, distrikan'Antananarivo Avaradrano, ny andron'ny Zoma 24 Jona 2022. Mpanakanto maro avy ao an-toerana no nanafana ny lanonana niaraka tamin'ireo mpanakanto fanta-daza : Lianah, Marion, Malm teny Sabotsy-Namehana ary Lôla sy Misie Sayda kosa teny Antanikatsaka Itaosy. Tonga niara-paly tamin'ny vahoaka teny an-toerana ny Solombavambahoaka sy ny Ben'ny Tanàna ary ny Lehiben'ny Distrikta izay nanampy tamin'ny fanatontosana izay lanonana nandritra ny 3 andro nokarakarain'ny Faritra Analamanga izay. Toy ny nahazatra nandritra izay 3 andro izay dia nofaranana tamin'ny Afomanga hatrany ny lanonana rehetra ka isaorana hatrany ny Filoha Andry RAJOELINA nanome izany ho an'ny vahoaka.